توقع كمبيوتر موقع جووول.نت فوز الأهلي بلقاء القمة على الزمالك يوم الأحد 11 يناير 2009 بنتيجة هدفين مقابل لا شيء. الجدير بالذكر أن كمبيوتر الموقع يتوقع أكثر من نتيجة حسب مكان المباراة، فكان التوقع الأول لو أن المباراة على ملعب الأهلي هي فوز الأهلي بنتيجة 2–1 ولو أن المباراة على ملعب الزمالك كان التوقع هو التعادل 1–1، ولكن بحكم أن اللقاء هو لقاء ديربي بين قطبي الكرة المصرية فقد اعتمد الموقع النتيجة الثالثة والتي يصدرها الكمبيوتر في حالة الديربي وهي فوز الأهلي بنتيجة 2–0.

©2008 جووول.نت. جميع الحقوق محفوظة. ممنوع منعاً باتاً إعادة نشر كل أو جزء من هذا المقال بدون الحصول على إذن كتابي من صاحب الموقع.

Comments

أضف جديد بحث RSS

المحرر   |2009-01-19 04:26:32 عزيزي ابن الزمالك، أنا متفق مع كل كلامك تقريباً إلا يمكن الحتة بتاع مؤمن سليمان. يعني أنا حسيت إن الراجل كان واقعي شوية مع نفسه. عموماً أن شخصياً متفائل للزمالك في وجود حاجتين في منتهى الأهمية: 1) إدارة موش قاعدة (المرة ي بجد موش تمثيل)، وبالتالي فعلاً مخلصين في عملهم. 2) مدير فني حازم بدأها من أولها بتقليم يمين شمال. شكراً ليك يا ابن الزمالك. اقتبس 0   0

المحرر   |2009-01-19 04:23:24 عزيزي mohamed، وحشتنا يا عم محمد، ما تغبش كدة كتير. بالنسبة للألتراز وإلا الألتراس وإلا الأتراس فالحمد لله الإعلميين قتلوا بحثاً. أنا بصراحة بأحضر لموضوع عن دي كاستل المدير الفني الجديد بتاع الزمالك وكان المفروض المقالة تتنشر من يومين بس حصل شوية ظروف كدة. شكراً ليك يا محمد، ومرة تانية ما تغبش علشان بتوحشنا. اقتبس 0   0

ابن الزمالك  - فرصه وضاعت   |2009-01-17 05:12:46 والله يا استاذ عمرو مشكله اللاعيبه ده نفسيه بحته فهناك حاجز نفسي بين لاعبي هذا الجيل وبين الفوز علي الاهلي من كثر الهزائم التي تلقاها هؤلاء الفشله من المنافس التقليدي والقمه ده كانت فرصه ليهم علشان يكسروا الحاجز النفسي ده وخصوصا ان الفرقه خرجت من جميع البطولات بما فيها الدوري اللي رايح للحمر بنسبه تتعدي ال 90% ولا توجد اي ضغوط الا ضغط الفوز علي الاهلي طبعا , ثم اعتقد ان رفعت ورمزي قضوا علي الفرقه من بدايه الشوط الثاني قبل ما اللاعيبه تكمل علي البقيه الباقيه وهدف فلافيو كان متوقع من الدقيقه 46 حتي الدقيقه 95 . لو سمعت بقي تعليقات مؤمن سليمان في المؤتمر الصحفي بعد الماتش تقول ان الزمالك كان المفروض يتغلب 10/0 ده الراجل ده ضحكني ضحك قال هدف مفاجئ قال..وشكرا اقتبس 0   0

mohamed   |2009-01-16 11:32:14 asalamo 3alaykom ya ostaz 3amro bala kemma bala beta3 heya de koora aslan emsek ba2a mawadee3 el ultras wel fashal dah zay ba2eet el 3elameyeen el tanya eshme3na enta y3ny اقتبس 0   0

المحرر   |2009-01-13 08:32:06 عزيزي ahlawy geddan، أنا هأقولك حاجة وعارف إنك هتصدقني من غير حلفان. أنا رغم إن كل الأعضاء الغائبين وحشني، يعني أهلاوي أول وتاني وتالت، لكن أنا لما كتبت أهلاوي تاني كان قصدي أهلاوي جداً بس أعمل إيه ما أنتم كتير وكلكم أهلاوي. حمدا لله على سلامتك وحشتني جداً ويا ريت ما تختفيش لإنك زيك زي ابن الزمالك وmr.hany وباقينت الأهلوية والزمالكاوية من مؤسسي الموقع. مبروك ليك فوز الأهلي اللي بصراحة المرة دي فاجئني أكتر من أي مرة فاتت، وأكتر حاجة فاجئتني إن الفوز مستحق. يعني الأهلي سعى للفوز رغم إني كنت شبه واثق إنه هيلعب على التعادل لكن سبحان الله العكس تقريباً هو اللي حصل. مرة تانية مبروك وما تغبش علينا. اقتبس 0   0

المحرر   |2009-01-13 08:27:27 عزيزي ابن الزمالك، صدقني أنا عندي حالة ذهول. كلمني واحد أهلاوي أول الماتش ما ابتدى وسألني عن توقعي، قلت له من غير ما تزعل الزمالك لو ما كسبش الماتش ده هيكسب الأهلي إمتى. طبعاً أنا عارف إن الفرقتين كان عندهم غيابات بس بصراحة وائل وكمان شادي قبل الماتش بدقائق وأحمد السيد بصراحة سيء جداً، يعني شبه مافيش دفاع أصلاً. وبعدين نص الملعب مافيش غير بركات والباقي كله موش هأقول وحش لكن نمشيها عادي. الهجوم ماعندكش غير فلافيو إللي بيسجل ماتش آه وعشرة لأ. إيه بقى اللي صعب يا زمالك ده كان عندك كتيبة كاملة عاوزة تثبت نفسها وترد على منتقديها من أول شيكابالا ومروراً بحمزة وأبوالعلا وأسامة وريكاردو. بصراحة الهزيمة دي في رأيي كوم وكل الهزايم السابقة كوم تاني. شكراً ليك يا ابن الزمالك. اقتبس 0   0

المحرر   |2009-01-13 08:22:00 عزيزي mr.hany، أنت عارف أنا زمان كنت بأتوقع نتايج متشات الأهلي والزمالك بالمسطرة، لدرجة إن أصحابي حتى لو كنت مسافر كانوا يكلموني منين ما أنا موجود ويسألوني عن توقعي لنتيجة الماتش قبليها بيوم. موش عارف بقى إيه اللي حصل مؤخراً فعلاً أنا معترف إنه في السنتين الأخيرتين كل توقعاتي جت عكسية. شكراً ليك يا mr.hany. اقتبس 0   0

ahlawy geddan   |2009-01-12 16:39:20 رغم اني مش واحش عمرو زي باقي الاعضاء , الا ان الموقع واحشني وللمرة التالته يا عمرو احساسك دائما الاهلي بيخيب ظنه ,, الف مبروك للاهلي وهارد لك للزمالك الللي مش عارف امتي هتتصلح احواله اقتبس 0   0

ابن الزمالك  - قمه مفترق الطرق!   |2009-01-09 09:45:04 عزيزي الاستاذ عمرو والله انت والموقع اللي ليكم وحشه وان شاء الله يرجع باقي الاعضاء انا في التصويت كنت عاطفي شويه ورشحت فوز الزمالك لكن لازلت مصر علي التعادل ده لو الاهلي مافازش اصلا علي راي mr hany ولو الاهلي ماعندوش الا وائل جمعه الزمالك ماعندوش حد في الدفاع اصلا الا الصفتي الي حد ما وخلي الطابق مستور يا عم ده احنا عندنا كوارث علي الرغم من الهبوط الحاد في مستوي الاهلي والثغره الواضحه بين قلبي الدفاع علي العموم القمه ده مفترق طرق للفريقين وخصوصا للزمالك اللي في اشد الحاجه لفوز يعيده الي الصوره ولمصالحه جماهيره المحبطه وشكرا.. اقتبس 0   0

mr.hany   |2009-01-08 17:33:57 اولا الف مبروك علي عودة ابن الزمالك وعقبال باقي الاعضاء ثانيا : حضرتك مرة تانية بتؤكد يااستاذ عمرو ان الزمالك هيكسب وبالتالي انا شايف ان الاهلي هو اللي هيكسب ولو اني بتمني فوز الزمالك فعلا علشان خاطر الدوري يتظبط شوية ونشوف كورة. اقتبس 0   0

المحرر   |2009-01-08 04:20:38 عزيزي ابن الزمالك، ليك وحشة كبيرة أنت وأهلاوي تاني ربنا يجيبه هوه كمان بالسلامة، وشكراً على تهنئتك للموقع. أنا معاك جداً إن توقع الماتش ده بالذات صعب جداً، لكن بيني وبينك كدة ومن غير الأهلاوية ما ياخدوا بالهم ويبتدوا تريأة، أنا باختلف مع كمبيوتر الموقع وشايف إن الماتش ده بتاع الزمالك، موش علشان الأهلي طلع من الكاس، لكن علشان وائل جمعة موش هيلعب وده المدافع الوحيد حالياً مع الأهلي، فمن غيره هتبقى شوارع لأجوجو وحمزة وغيرهم. حاجة تانية، كل الناس شايفة الأهلي هيكسب، والأهلي عمره ما كسب لما كان فيه إجماع على فوزه، والعكس صحيح. شكراً ليك يا ابن الزمالك، وحمدا لله على سلامتك. اقتبس 0   0

المحرر   |2009-01-08 04:14:57 عزيزي mr.hany، بصراحة بعد اللي شوفناه في مباراة الإسماعيلي والأهلي متهيألي لو المباراة موش مذاعة يكون أحسن وأريح. ربنا يستر. شكراً على مرورك يا mr.hany. اقتبس 0   0

ابن الزمالك  - التوقع صعب   |2009-01-07 17:53:26 فعلا صعب جدا توقع نتيحه الديربي وان كنت اتمني طبعا فوز الزمالك ولكن بعد خروج الاهلي اليوم من الكاس (: ممكن تطلع تعادل والله اعلم وحمدلله علي سلامه الموقع وعودا حميدا للموقع وليه كمان وياريت طبعا بلاش حرب النجوم في الاستاد وكفايه علينا الحرب اللي في غزه واللهم انصرهم وثبت اقدامهم واجعل النصر حليف لهم امين يا رب العالمين.. اقتبس 0   0

mr.hany   |2009-01-06 22:10:50 طب لو المباراة مش مذاعة ده ممكن يفرق في النتيجة .. ههههههه رجاء الي الاعلاميين وجمهور الفريقين الالتزام بمباديء التشجيع علشان احنا لانملك غير استاد القاهرة ومش عايزينه يتقفل تاني اقتبس 0   0

علق
الاسم:
البريد الالكتروني:	لا تبلّغبلّغ
العنوان:
كود UBB:	-اللون-aquablackbluefuchsiagraygreenlimemaroonnavyolivepurpleredsilvertealwhiteyellow -الحجم-قزمصغيروسطكبيرعملاق

Powered by !JoomlaComment 3.26

3.26 Copyright (C) 2008 Compojoom.com / Copyright (C) 2007 Alain Georgette / Copyright (C) 2006 Frantisek Hliva. All rights reserved."